الاثنين، 31 أكتوبر، 2011

شُلت يدى....!


البوست بتاع انهارده يمكن يكون غير منظم او في حروف غلط بس اعذرونى 
هحكلكم الحكايه ...انا كنت قاعده امبارح على سرير ف ركنى البعيد الهادى وبقرأكتاب لفاروق جويده ومستمتعه جدا 
اسمه وللاشواق عودة وبعدين مرة وحده كده وبدون اى مقدمات لقيت ايدى بتتحرق اه بتتحرق متستغربوش هو مش حرق بالمعنى التقليدى نار وكده يعنى ولكن كنت حاسه كأن حد اشعل نيران ف ايدى قولت لنفسي يا بت اجمدي شوية الم وهيروحو بس للاسف الالم زاد وبدأت اعيط وشوية شويه عياطى بقى نهنهاااااااااا وبعدين حاولت احركها فما كان منها الا انها خزلتنى ومرضيتش تتحرك ساعتها انا قولت شلت يدى خلاص مستقبلي ضاع ومش هعرف اكتب تانى ومعجبينى وقرائي هيعيشو ازاى من غيري شوية غرور بقى على الماشي استحملونى بقى ده انا مريضه المصيبه بقى انى كنت ف البيت لوحدى تمام كلهم عندى خالتى عشان ابنها هيتجوز وبيفرشو معاها وانا الوحيده اللى قاعده لوحدى اصلي قولت لماما خلينى قاعده ف البيت عشان احرصه وعشان اخد بالى منه قال يعنى البت مهتمه انا بس كنت عاوزه اوزعهم عشان اقعد في هدوء وانطلق في البيت لوحدى واعس في المنزل فسادا هعهعهع اصل انا شريره واظاهر بقى ان ربنا ادانى
على قد نيتى السوده المهم ان الالم زااااااااااد جدا وبدأت اصرخ لحد لما قعدت اقول انا ايدى اتشلت وجريت على بيت جرنا ورحت استنجت بجارتنا وفعلا نجدتنى واخدتنى هى وجوزها وودتنى المستفشى الدكتور ادانى حقنه وكتبلى دواء وقالى واضح انك مش بتخد بالك من نفسك
وبتلبسي خفيف وبتقعدى قدام المروحه كتير وده فعلا بيحصل هو قالى انى جالى التهاب معرفش ف ايه كده وهو ده اللى خلانى احس بالالم ده بدون سابق انزار وهكذا كانت ليلتى جلست ابكى واقول شلت يدى زى الراجل اللى كان في فيلم فجر الاسلام ياااااااااه الف سلام عليه الف لا بعد الشر عليا ان شالله اللى يكرهونى هههههههههه بدعى لنفسي حد ليه شوق ف حــــــــــــــــــاكه اهئ اهئ اهئ 
ملحوظه مهمه :اللى مجبش معاه حاجه وهو جاى يغمزنى بحمسين قرش كده لحسن هفضحه والبوست اللى جاى هنزل بوست بأسماء اللى ادونى واللى مدونيش وهحطهم ف بلاك ليست والوايت ليست
ملحوظه اهم : لو الخط وحشه ده مش خطى ده خط اختى اصلها خطها وحش ومش بتعرف تكتب مش طلعه موهوبه زى اختها بس هنعمل ايه بقى الزمن ساعات بيحوجنا للناس اللى مش موهوبين دول هههههههههه
انا طبعا بهزر هى ربنا يخليهالى بجد وميحرمنيش منها ابدا

الاثنين، 2 مايو، 2011

دعوه قليله تنجح ف مواد كتيره



أولاً هتوحشوني مووووووووووت لانى الفترة اللى جايه هغيب عنكم شويتين حبتين
اسبوعين شهرين الله اعلم بقى حسب التسهيل وحسب حالتى النفسيه متستقر 

للاسف الشديد بقولها ومن كل قلب غلطة غلطة عمرى يوم ما قررت انى اقدم ف معهد حاسب ألى عشان يبقى عندى خبرة ودرايه كامله بما يدور داخل هذا الكائن الجميل الوحش اللى اسمه حاسب لاتقع قصدى حاسب ألى (كَمبيووووتر) زى مابيقولو عنه اهئ اهئ اهئ بس انا استاهل لما انا مش قد المزكره بقدم ليه اصل انا مقلتلكوش انى طالبه فاشله في كليه أداب قسم جغرافيا الفرقه2 يعنى مش ناقصه وكفايه اللى انا فيه لازم يعنى احشر نفسي ف حوار معهد الكمبيوتر ده قال يعنى العلم مقطع بعضه المهم المصيبه بقى انى مكنتش عارفه ان الامتحانات يوم السبت ده انا رايحه اشوف بس اخبار المعهد ايه واخد الكتب لقتهم بيقلولى الامتحانات يوم السبت 

يالهووووووووووووى سبت ايه وحد ايه جه بقى وقت المثل اللى بيقول الناس خبتها السبت والحد وانا خبتى ما وردت على حد اهئ اهئ اهئ

وهنا بدأت معانتى مع .....ماما 
.
.
ماما: ...هو انتى يااختى كنت فالحه ف كليتك عشان تروح تقدميلى ف معهد كمان وتدفعينا دم قلبنا ربنا يسمحك يا بنتى 
.
.
.
ونخش على المقطوعه السمفونيه التانيه 
.
.
.
ماما: ...يارب بقى يجى المنحوس اللى هيخدك عشان ارتاح من همك ومن زنك ده يااااااااااااه ده انتى مصيبه 
.
.
.
وتحسسنى انى لقيطه
 .
.
.أنا:....اهئ اهئ اهئ هو انا مش بنتك ولا ايه بجد حرام تحطيم الاعصاب ده فين بقى حنان الام 
.
.
.
ماما: ...يا حبيبتى يابنتي طب متعيطيش يارب ينجحك يا بنتى 
.
.
.
.وتتحول تانى
...
...
.
.
.بس انتى مش بتزكرى يا فاشله والنبى ما انتى نافعه ولا عمرك هتفلحى
.
.
.
.أنا: ....تانى يا ماما ارحمينى بقى اهئ اهئ اهئ وتستمر المأساه كام ساعه كده

وبعدين يجى الفليسوف الكبير اللى سابق عصرهُ وأوانهُ الباشمِهندس أحمد اخويه 

الكبييييييييييييييييير اووووووووووووى 
.
.
.أحمد:....تعالى ياختى وانا هزكرلك يافاشله
.
..
.أنا: حتى انت كمان اهئ اهئ اهئ والله يازمن ما بأدينا  وتخش بقى الموسيقى التصويره لفيلم نحن لا نزرع الشوك  ده هو اللى بيطلع لوحده
.
.
.أحمد:....ركزى يا ختى لو كنتى زكرتى من الاول مكنش ده بقى حالك بكرة نشوف اللى أمه داعيه عليه اللى هيتجوزك ده هيبقى شكله ايه اكيد فاشل زيك
.
.
.
.أنا: لالالالالالالالالا ده كتير اووووووووى ده أوفر هو المنحوس ده كل الناس بتجيب ف سيرته ليه ماتيجى بقى تخدنى من البيت اللى كله عذاب ده طب انا راضيه حتى لو كان رجليه الاتنين شمال أو حتى فتحت منخيره بتلات خرام او بحاجب واحد انا راضيه يا ربى بس امشي من البيت اللى مزلوله فيه ده اهئ اهئ اهئ
.
.
.
.

أجى بقى أذاكر على السرير بحكم البرد وكده يعنى 
.
..
.ماما: هى مزكرة السرير دى مزكره ابقى قابلينى
.
.
.أنا: اقابلك فين ده ف سر طبعا لانها لو سمعتنى هتيجى تعلقنى 
أرد بقى جهراً وعلانيتاً حااااااااااضر يا ماما انا هقوم اهو
.
.

وأروح اقعد على المكتب واغرز دماغى ف الكتاب وأذ بصوتاً جميلاً مرعباً
.
.
.أحمد أخويا: افضلي تانيه رقبتك كده على الكتاب وفتحه بؤك وعماله تتوبى لحد لما تنام فوق الكتاب يا فاشله
.
.
.أنا : يالهووووووووووى ارحمونى بقى كفايه أرحمو أهلى وسبونى ف حالى يعنى أروح ازاكر فين يعنى ينفع هنا
V
V
V
.

.
.بابا بقى يدخل ف الموضوع:... انتى يا بنت احترمى نفسك ووطى صوتك وأتلكمى مع اخوكى الكبير بأحترام لأحسن والله أقطع عنك المصروف أحرمك من الفرجه على التليفيزيون 
.
.

.
.انا:... ف سري طبعا هو انا اصلا بتفرج على التليفزيون قال يعنى هتحرمنى من الجنه هو طبعا يقصد أختى أصله ديما بيتلخبط بنا لدرجة أنى باخد المصروف مرتين ها ها ها ها ضحكات متقطعه شريره
.
.
.

المهم بقى انى بجد موحوله وعاوزه حد يدعيلى حد..... حد ايه

قصدى كلكو تدعولى واللى مش هيدعي هدعى عليه وهقول من كل قلبي

يارب اللى ما يدعيلى مايلاقي حد يدعيلو وأدعو لاختكو ده مزنوقه

ادعو لاختك اختكو مزنوقه اوى اوى اوى



وبجد يا جماعه غصب عنى مش هقدر ابقى متابعه الفتره اللى جايه فأرجوكم محدش
يزعل منى على تقصيرى لان انا هقفل النت الفترة اللى جايه بس هحاول من وقت للتانى أدخل أاطمن عليكم ف السريع
.
.
.
.وفي النهايه جبتلكم شويه صور تضحكم على المزكرة وتهون عليكم بعدى عنكم عارف انى هقطع بيكم ومن غيري بلوجر هيضلم ومش هتعرفو تعيشو من غيرى ^_^














وفي النهايه متنسوش
 

السبت، 23 أبريل، 2011

هي لا تكذب ولكنها تتجمل............؟

صحبتى و من اعز وكانت من أعز صحابي كنت مبكلش اللقمه غير لما تيجى وتاكل معايا
وافضل قاعده معاها علطول واحكيلها كل اللى حصل في غيابها ومش بأخر عليها اى حاجه تتطلبها منى عشان كنت بحس ان انا وهى واحد واننا مفيش ما بينا فرق غلطة فيها كتير وكنت بتكسف حتى اواجها كانت بتحرجنى كتير جدا قدام الناس وبينى وبينها بردو
كنت بعدى بس لما وصلت لحد انها تتكبر وتتعالى عليا كرمتى أبت ان تكمل مشوار صدقتنا من هنا بدأت أخد جمب وأحول أبعد بس لما كانت تيجى وهى محتجالى كانت بتصعب عليا وبيصعب عليا العشره والعيش والملح اللى كان بينا حاولت استمر وانسى اللى فات وكملنا مع بعض زى اى اتنين صحاب واخوات ولكن بصدق  شديد وامنه واخلاص منى وكذب وخيانه واهانه منها وبردو بستحمل لحد ماجت الطامه الكبرى لما سألتها هو باباكى راح فين يا ...... قالتلى بابا مسافر وحسيت انها حزينه قولت يمكن يكون سفر باباها وبعدو عنهم هو سبب حزنها جه واحد جرنا وقالى يا منه قولتلو نعم يا عم....قال البنت اللى بتجيلك كتير دى صحبتك قولتلو مين...... قالى اه قولتلو اه دى صحبتى جدا وحبيبتى قالى ازاى تصحبى اشكال زى دى ودخليها بتكم قولتو ليه يا عم...هى ....مالها يعنى دى بنت محترمه جدا جدا قالى يابنتى دا باباها ف السجن قولتلو اييييييييييه لا يعمو مش معقول قالى والله ف السجن قولتلو بيعمل ايه ف السجن قالى دخل ف قضيه اختلاس اموال وباباها فعلا كان شغال ف بنك وهى قيلالي بس مكنتش مصدقه وبردو دفعت عنها وقولتلو انها حتى لو باباها ف السجن ده مش معناها انها بنت مش كويسه بالعكس ده ممكن يخليها تبقى احسن عشان تثبت انها كويسه وعموما يا عم....
بلاش نغاتب الناس في غيابها وربنا يسترها علينا ويهديها ويتوب عليه وبعدها اتأكدت من كام حد ان باباها فعلا في السجن و لما سألتها باباكى فين يا........ قالتى انو مسافر مش انا قولتلك قبل كده يا منه ما علينا بردو نسيت الحكايه دى اللى وجعنى اوى تبرها عليا ف الكلام وكل شويه تقولى انتى جايبه البنطلون اوالجيبه دى بقالك شهر مش هتشترى هدوم جديده اقولها يا ...... انا ماشيه على ظروف اهلي باباى مقدرتو كده ومش هقدر انى اروح اشترى هدوم كل اسبوعين او تلاته وبعدين انا عندى هدوم كتير ولسه جديده اشترى تانى ليه تقولى انتى عبيطه اوى وكمان دماغك قديمه مووووووووووت وده كان بيزعلنى منها اوى بس بردو كنت بكتم جوايا واخر حاجه خالتى جت تكلم ماما وبتقولها شوفتى جبت الطماطم انهارده بخمسه جنيه رخست شويه عن المرة اللى فاتت قالتلها جبتيها منين قالتلها من عند البت اللى مغطيه وشها ف أول السوق دى البت صحبت بنتك قومت سمعتها قولت يمكن بتقول على وحده من زميلى ف المدرسه الثانوى قولتها دى مين دى يا خالتى قالتى صحبتك البت بنت الراجل الحرام قولتها انا مليش صحاب اهليهم حرميه وبعدين حتى لو كده ياريت يا خالتى تقولى اسمها عشان عيب لما تقولى كده قالتلى خلاص يا ختى صحبتك........ردت فعلى كانت فاتحه بؤي من الشمال لليمين ومبرئه عينى وبقولها ايييييييييييييييييييييييييييييييييه بتقولى اييييييييييييييييييييييييييييه لا طبعا مش صحيح خالتلى قالتلى يعنى انا كدابه قولتلها انا اسفه يا خالتى والله ما قصدت بس مش مصدق اللى بسمعو قالتلى تعالى اوريكى ونزلت مع خالتى ورحت وقفت قدامها لقتها مخبيه وشها لدرجة ان عنيها باينه بالعافييه وكمان بتحاول تشد الطارحه عشان تخبى عنيها ولبسه لبس مقطع ومبهدل خالص وسمعت صوتها وشوفت ايديها وعنيها بالعافيه ووحده قالتلها هاتى مش عارف ايه يا....... والدموع نزلت كأنها حنفيه وهى شفتنى وقعدت تدارى نفسها وانا اول ما هى شفتنى مشيت علطول وروحت ومكنتش عاوز اعرفها انى شوفتها وفضلت ابكى طول الليل وجت تانى يوم الساعه7الصبح وقالتى عملتى ايه امبارح قولتلها ولا حاجه نزلت السوق مع خالتى تخيلى قالتلى مش معقول قولتلها والله قالتلى وشوفتى ايه قولتها عادى ناس وخضار وفاكهه كده يعنى قالتلى اه ولما اتأكدت انى مشوفتهاش قعدت تمارس هوايتها ف المنظره عليا وهى بتوصفلى انها كانت امبارح ف القاهره وراحت سيتى ستارز واشترت هدوم كتير وفضلت تكدب كالعاده وانا مكنش منى غير حزنى شديد وسكوووووووووت اشد يا ترى بقى ده ايه كدب ولا نقص ولا هى بتتجمل اذا بتقدر تلبس كل الوشوش دى واذا مش حاسه انها بتخدع أقرب الناس ليها والنبى تردو عليا لانى هتجنن من ساعتها 

ملحوظه عدد المشتركين ف المدونة 4وانا مش بنزل بوستات هنا عشان انا ببقى عاوز افضفض معاكو وانتو اصل مش مشتركين يعنى مش هتعرفو انى نزلت بوستات يبقى انا هكلمك نفسي ولما اكلم نفسي كتير هتجنن يرضيكو كده اشتركو بقى لاتجنن ويبقى زنبي ف رقبيكوهههههههههههه^_^

الاثنين، 21 فبراير، 2011

رجاء

سالي زهران نشر هذه الصورة للشهيدة سالي بالحجاب بدلا من الصورة التي نشرها الاعلام
و هذة هي الصورة التي استشهدت عليها و هي بالحجاب و الصورة المنشورة بشعرها كيرلي صورة خاصة لا ترغب أم الشهيدة في نشرها \
كما تظهر سالي في الصورة مع طفلتها الرضيعه 





الأحد، 6 فبراير، 2011

وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ






نقلا عن موقع وده اللينك بتاعو
 


فى البداية أحب كل واحد يدخل الموضوع يقر الفاتحة على أرواحهم ربنا يرحمهم يارب
أحمد بسيوني

مدرس بتربية فنية - جامعة حلوان
أب لطفلين : سلمى وادم
اتقتل في ميدان التحرير
31 سنة
http://www.facebook.com/pages/Ahmed-...0234328?v=wall

Ahmad Bassiouny

31 years old
An assistant professor of Art at Helwan Uni.
Father of 2 kids : Salma and Adam
He was killed in Tahrir Square






اسلام
تاريخ الميلاد :1/3/1989
حاصل على ليسانس اداب قسم الحضارات الاوروبيه بتقدير مقبول لعام 2010

صفحته


http://www.facebook.com/pages/klna-a...9560550?v=info


Eslam Bakir

DOB: 01-03-1989
BA of Arts in European Culture , 2010





أحمد ايهاب

مهندس
لسا متجوز من شهرين وكان لسا راجع من شهر العسل
اتضب بالرصاص يوم 28يناير وفضل في المستشفى لغاية ما مات يوم 3 فبراير
25

25
Engineer
A newly wed, has just gotten back from his honey moon
Shot on 28 of January Demonstrations and was hospitalized untill dying on Feb 3rd



Ahmad Ehab

حسين طه
مواليد 1992
بيدرس في كلية الحقوق
استشهد في اسكندرية يوم 28 يناير (جمعة الغضب)
صفحة عنه
http://www.facebook.com/pages/rhmt-a...95858097092762

___________________

Hussien Taha

born 1992
Studies Law
killed in Alexandria on January 28 (Friday of Anger)





عمرو غريب ..

طالب في كلية اداب
25 سنة
عمرو غير منتمي لأي حزب سياسي ، هو بس واحد من شباب مصر اللي لما صدق لقى فرصة يعبر فيها عن نفسه

_________________________


25
Amr Gharib
studies at the faculty of Arts, Ain Shams University
lives in Hadayek Al Qubba (a walking distance from Mubarak Palace)

Amr was not part of any political party or group. Just one of the Egyptian youth who has waited for so long for a chance to speak up their minds.





سيف الله مصطفى
أصغر الشهداء حتى الان

لم ينزل المظاهرات ولكنه أصيب عن طريق الخطأ يوم 28 يناير ، وتوفي على أثره يوم 1 فبراير
سيف كان مروح على البيت فى الوقت اللى كانو بيستولو على قسم شرطة مدينة نصر اول "بجوار الجامعه العماليه فى اول عباس العقاد " و كان فى مقاومه من الشعب و الظباط الشرفاء من داخل القسم فاصيب بطلق نارى فى راسه
16 سنة



16 years old, youngest martyr so far
Saif-Allah Mustafa
He was not part of the demonstration but he was thought to be
shot on Jan 28th and died 2 days after





الشهيد محمد محروس

مهندس ديكور
قٌتل رميا بالصاص أمام قسم شرطة الخليفة
29



29
Mohamed Mahrous
interior designer
Shot in front of Al Khalifa police station





محمد عماد حسين

23 سنة

23
Muhamed Emad Hussien
http://www.facebook.com/pages/El-Sha...4438860?v=info




الشهيد محمد راشد





صوره الشهيد قبل ايام من استشهاده







صوره الشهيد لحظه استشهاده

 

 

الشهيدة سلمى
توفيت بسبب نزيف داخلي اثر ضربة تلقتها اثناء وجودها في المظاهرات




الشهيد كريم
كريم بنونة
29 سنة
مهندس Technical Team leader
أب لطفلين: عمر ومريم







محمد عبدالمنعم حسنين
20 سنة






Age: 34
Occupation: Police Officer (Major), Modereyet Amn El Qaliubeya
Where: Shobra El Kheima
When: 29 January 2011
How: Shot in The Head (During gun fight near El Mo2asassa Sq.)
‪Name: Tarek Ossama Nour
Notes: Father of Malak (7 years old)

source:

http://www.facebook.com/photo.php?fb...78723452169055
 



الشهيد محمود سعيد هديه
السن : 14 عاما
استشهد يوم 28 يناير 2011


Mahmoud Said Hedya
14




إسلام رأفت
شهيد يوم 28/1
صدمته عربيه هيئه دبلوماسيه فى شارع القصر العينى
و أستشهد بكسر فى الجمجه

Eslam Ra'fat
Was hit by a car of Diplomatic authority in Qasr Al-Ainy St (near Tahrir square, where the ministry of interior affairs is located) on Jan 28th
He suffered a broken skull

source

http://www.facebook.com/photo.php?fbid=1792323843398&set=o.194076780618480 &pid=2





Ibrahim Abdel-Satar
22
Graduated from the faculty of Commerce, English section
Killed on Fed 1st

source
http://www.facebook.com/photo.php?fb...00000453965588







‪Muhamed Gamal Salim
Lives in Mansoura
was killed on the 28th of Jan

source
http://www.facebook.com/photo.php?fb...00000883474272









ياسر شعيب

ترزي
من دمياط
ليس له أي انتماءات سياسية أو ينتمي لأى حزب سياسي أو جماعة دينية ولكن تواجد بالشارع أثناء إطلاق النار العشوائي بالصدفة
استشهد يوم 28 يناير الماضى إثر طلق نارى فى صدره.

Yasser Shoieb
27
Tailor
Lives in Domiat
He's not part of any political party of groups.
shot in a random gun fire.
Died on Jan 28th

Source
http://www.facebook.com/photo.php?fbid=162214767164658&set=o.1940767806184 80&pid=352064&
27






 المصدر : http://100fm6.com/vb/showthread.php?t=249793 - 100fm6.com

السبت، 5 فبراير، 2011

خايفه.........!



أولاً المدونه دى انا عملتها عشان انا محتاجه افضفض من حاجات كتير بشوفها ف حياتى وحيات الناس اللى بحبهم وف بلدى ودينى وفكل حاجه حوليه حاجات كتير بتحصل بتخلينى بجد هطق انا من نوعية الناس اللى لما بتفضفض بترتاح يوم ما احب اتكلم اتكلم مع اعز الناس لقلبي وانتى يا اهل بلوجر من اعز الناس عندى وعالم بلوجر هو المكان الوحيد اللى بتكلم فيه من قلبي وبقول اللى عندى من غير ما اخاف
نفسي بجد اى حاجه اتكلم فيها هنا معاكو تقلولى رأيكو وتسعدونى ف حلها لو كانت مشكله ونصايحكم اكيد هتفدنى كتير وهفرح بيها اوى

ثانيا انا فعلا خايفه خايفه اوى.. حاسه انها النهايه قربت مش عارفه اصدق مين واكدب مين.. مش عارف احنا ع فين رايحين ايه اللى بيحصل ده 
هى دى مصر ام الدنيا...!! يا جماعه انا مش اقل من اى حد وطنيه فيكم  ولا انا جبانه كل ما ف الموضوع انى خايفه بكره ميبقاش احسن من انهارده
خايفه اللى جاي يخلينا نندم ع اللى راح خايفه نقول ياريت... بتخيل لو حصل واسقط النظام والريس مشي انتو تعرفو اللى جاى بعدو ايه ولا هيعمل فينا ايه ما يمكن يعاملنا اوحش طب بص معايه كده بكره لو بقانا من غير حاكم وعملنا انتخابات عشان نرشح رئيس للجمهوريه عارفين كام واحد هيطلع يقول((( انا))) عرفين كام واحد هيضحك علينا بشاعرات ونرجع نقول عاوزين يا ريس يقول منين يا حصره عارفين اللى جاى ده ممكن يعمل فين ايه ممكن يودينا لفين يا ترى هيرفعنا ولا هيضيعنا ياترى مصر بكرة هيبقى شكلها ايه
خايفه نفوق على اطفال متشرده واسر متدمره ورجاله مكسوره وقلبو محروقه ونقول يارتنا... انا مبقتش لقيه كلام تانى اقولو بس ياريت محدش يعتبرنى بحطم  ف الامال ولا بهاجم ولا بقول كلام فارغ كل ما ف الموضوع انى خايفه خايفه من بكره واللى هيجر

يارب يارب تولانا انت برحمتك يارب نعدى بر الامان يارب ما يموت حد تانى يا رب متحرق قلب اى ام تانى يارب


بجد انتى حلوة أوى يا بلدى

فرحانه مووووووووت انكو نورتونى

Sponge Bob

Click Here For Images &
Sponge Bob Pictures - Pictures