السبت، 23 أبريل، 2011

هي لا تكذب ولكنها تتجمل............؟

صحبتى و من اعز وكانت من أعز صحابي كنت مبكلش اللقمه غير لما تيجى وتاكل معايا
وافضل قاعده معاها علطول واحكيلها كل اللى حصل في غيابها ومش بأخر عليها اى حاجه تتطلبها منى عشان كنت بحس ان انا وهى واحد واننا مفيش ما بينا فرق غلطة فيها كتير وكنت بتكسف حتى اواجها كانت بتحرجنى كتير جدا قدام الناس وبينى وبينها بردو
كنت بعدى بس لما وصلت لحد انها تتكبر وتتعالى عليا كرمتى أبت ان تكمل مشوار صدقتنا من هنا بدأت أخد جمب وأحول أبعد بس لما كانت تيجى وهى محتجالى كانت بتصعب عليا وبيصعب عليا العشره والعيش والملح اللى كان بينا حاولت استمر وانسى اللى فات وكملنا مع بعض زى اى اتنين صحاب واخوات ولكن بصدق  شديد وامنه واخلاص منى وكذب وخيانه واهانه منها وبردو بستحمل لحد ماجت الطامه الكبرى لما سألتها هو باباكى راح فين يا ...... قالتلى بابا مسافر وحسيت انها حزينه قولت يمكن يكون سفر باباها وبعدو عنهم هو سبب حزنها جه واحد جرنا وقالى يا منه قولتلو نعم يا عم....قال البنت اللى بتجيلك كتير دى صحبتك قولتلو مين...... قالى اه قولتلو اه دى صحبتى جدا وحبيبتى قالى ازاى تصحبى اشكال زى دى ودخليها بتكم قولتو ليه يا عم...هى ....مالها يعنى دى بنت محترمه جدا جدا قالى يابنتى دا باباها ف السجن قولتلو اييييييييييه لا يعمو مش معقول قالى والله ف السجن قولتلو بيعمل ايه ف السجن قالى دخل ف قضيه اختلاس اموال وباباها فعلا كان شغال ف بنك وهى قيلالي بس مكنتش مصدقه وبردو دفعت عنها وقولتلو انها حتى لو باباها ف السجن ده مش معناها انها بنت مش كويسه بالعكس ده ممكن يخليها تبقى احسن عشان تثبت انها كويسه وعموما يا عم....
بلاش نغاتب الناس في غيابها وربنا يسترها علينا ويهديها ويتوب عليه وبعدها اتأكدت من كام حد ان باباها فعلا في السجن و لما سألتها باباكى فين يا........ قالتى انو مسافر مش انا قولتلك قبل كده يا منه ما علينا بردو نسيت الحكايه دى اللى وجعنى اوى تبرها عليا ف الكلام وكل شويه تقولى انتى جايبه البنطلون اوالجيبه دى بقالك شهر مش هتشترى هدوم جديده اقولها يا ...... انا ماشيه على ظروف اهلي باباى مقدرتو كده ومش هقدر انى اروح اشترى هدوم كل اسبوعين او تلاته وبعدين انا عندى هدوم كتير ولسه جديده اشترى تانى ليه تقولى انتى عبيطه اوى وكمان دماغك قديمه مووووووووووت وده كان بيزعلنى منها اوى بس بردو كنت بكتم جوايا واخر حاجه خالتى جت تكلم ماما وبتقولها شوفتى جبت الطماطم انهارده بخمسه جنيه رخست شويه عن المرة اللى فاتت قالتلها جبتيها منين قالتلها من عند البت اللى مغطيه وشها ف أول السوق دى البت صحبت بنتك قومت سمعتها قولت يمكن بتقول على وحده من زميلى ف المدرسه الثانوى قولتها دى مين دى يا خالتى قالتى صحبتك البت بنت الراجل الحرام قولتها انا مليش صحاب اهليهم حرميه وبعدين حتى لو كده ياريت يا خالتى تقولى اسمها عشان عيب لما تقولى كده قالتلى خلاص يا ختى صحبتك........ردت فعلى كانت فاتحه بؤي من الشمال لليمين ومبرئه عينى وبقولها ايييييييييييييييييييييييييييييييييه بتقولى اييييييييييييييييييييييييييييه لا طبعا مش صحيح خالتلى قالتلى يعنى انا كدابه قولتلها انا اسفه يا خالتى والله ما قصدت بس مش مصدق اللى بسمعو قالتلى تعالى اوريكى ونزلت مع خالتى ورحت وقفت قدامها لقتها مخبيه وشها لدرجة ان عنيها باينه بالعافييه وكمان بتحاول تشد الطارحه عشان تخبى عنيها ولبسه لبس مقطع ومبهدل خالص وسمعت صوتها وشوفت ايديها وعنيها بالعافيه ووحده قالتلها هاتى مش عارف ايه يا....... والدموع نزلت كأنها حنفيه وهى شفتنى وقعدت تدارى نفسها وانا اول ما هى شفتنى مشيت علطول وروحت ومكنتش عاوز اعرفها انى شوفتها وفضلت ابكى طول الليل وجت تانى يوم الساعه7الصبح وقالتى عملتى ايه امبارح قولتلها ولا حاجه نزلت السوق مع خالتى تخيلى قالتلى مش معقول قولتلها والله قالتلى وشوفتى ايه قولتها عادى ناس وخضار وفاكهه كده يعنى قالتلى اه ولما اتأكدت انى مشوفتهاش قعدت تمارس هوايتها ف المنظره عليا وهى بتوصفلى انها كانت امبارح ف القاهره وراحت سيتى ستارز واشترت هدوم كتير وفضلت تكدب كالعاده وانا مكنش منى غير حزنى شديد وسكوووووووووت اشد يا ترى بقى ده ايه كدب ولا نقص ولا هى بتتجمل اذا بتقدر تلبس كل الوشوش دى واذا مش حاسه انها بتخدع أقرب الناس ليها والنبى تردو عليا لانى هتجنن من ساعتها 

ملحوظه عدد المشتركين ف المدونة 4وانا مش بنزل بوستات هنا عشان انا ببقى عاوز افضفض معاكو وانتو اصل مش مشتركين يعنى مش هتعرفو انى نزلت بوستات يبقى انا هكلمك نفسي ولما اكلم نفسي كتير هتجنن يرضيكو كده اشتركو بقى لاتجنن ويبقى زنبي ف رقبيكوهههههههههههه^_^

هناك 13 تعليقًا:

  1. منونتي عمري حياتي كان لازم تقولي لها الي شفتيه
    عشان تعرف ان الصداقة من بالفلوس ولا بالبس
    الدصاقة بالقلب
    لازم كنت تفهميها انك لما تعرفي حقيقتها وكيف هي عايشة انك بتوقفي معاها
    ومابتتخلي عنها عشان هذا
    لا لازم كنت تحسسيها ان مهما كانت حياتها بتفضل صحبتك لاخر العمر
    اليوم انت شفتيها ودارتي عنها وماقلتيلها وخايفة انك تحرجيها او تجرحي مشاعرها
    بكرة وحده تانيه من صديقاتها شوفها وتقول لها ويمكن تحرجها جمب اي حد
    صح ان اسلوبها مش حلو وغلط وينرفز كمان
    بس النصيحة كانت بصالحك
    انك تكسبي ثقة وحب صديقة ويمكن كنت تغيريها

    بعدين نحن مانقدر على جنانك
    اصلا لو جننتي بتقفلي البلوجو علينا كلنا
    عشان خاطري لاتجنني
    ياناس ياهو اشتركوا ولا كلنا بنروح فيها
    ههههههههههههههه
    سلامتك من الجنان ياعمري

    ربنا يوفقك يارب ويبعد عنك كل سوء
    تقبلي مروري يامنونتي ^_^

    ردحذف
  2. صح نسيت اقولك شي
    انت صديقة تدخلي بالقلب بدون استأذان

    وماتزعلي من كلامي
    بس لاني بحبك واموت فيكي قلت هذا الكلام
    اممممممممممممممممممممممممممموة ^3^
    واكبر بوسة لاطيب منوتي.
    اليوم بكثر بالكلام
    مش عن الصداقة
    فستحمليني
    ههههههههههههههههه

    ردحذف
  3. اهلا
    اتشرف اني اسمعك واجول في خواطرك
    وربنا يبعد عنك الزعل ولطق
    حقولك حاجه الصداقة مش ديما الراحه
    ومافيش احسن من الصراحه
    الصراحه راحه على حد قول حاحا
    بس الصداقه بتخلينا نشيل صديقنا بعيوبي علشان تبقى صداقة حقيقة
    والديا كده ربنا خلق ناس بتدي وناس بتاخد بس
    واتمنى لك الخير ديما
    تحياتي

    ردحذف
  4. بصي يا منة

    مقدرش اقولك سيبيها وانسيها اولا لانها صديقة عمرك زي ما بتقولي او حسب ما فهمت من كلامك ثانيا لان كلنا فينا عيوب كتير

    حاولي تصلحي من عيوبها وجاهدي نفسك في كده لكن لو حسيتي ان ده مش هينفع يبقى الصداقة دي مصيرها إلى مجهول طب ليه ؟؟

    أولا الصديق مرآة لصديقه وأصحابي بيعكسوا شخصيتي بمعنى أني لما أشوف أصحاب كاسبر أقدر أوصف شخصيته ومميزاته وعيوبه

    ثانيا كل إناء ينضح بما فيه لو أنا بكذب كتير وبتجمل كتير أكيد هخلي اللى حواليا يعملوا زيي

    هختلف مع الأخت شهر زاد في النصف الآخير من تعليقها
    وهو أن الصداقة أصلا مبنية على الصراحة لما تتبني على الكذب والغش متبقاش صداقة تبقى حاجة تانية

    بالعقل كده مفيش صداقة بالاسم بس
    الصداقة حاجة على أرض الواقع
    صاحب مش بيخبي عليا حاجة وبياخد رأيي في كل صغيرة وكبيرة وأنا كذلك

    لدرجة أن فيه أسرار مش بقولها لأخويا بس بقولها لصاحبي

    آخيرا وليس بآخر لا أصف صديقتك أنها سيئة
    فكلنا لدينا ذنوب ومعاصي كثيرة

    بس زي ما قلتلك حاوي تغيري من صفاتها مرة واتنين وعشرة

    ___________

    ويارب يوفقك لما فيه الخير دائما
    خالص تحياتي

    ردحذف
  5. حاجة تانية بس عاوز اضفيها نسيت اقولها
    انا نفسي كنت بسأل في الحاجة دي من زمان

    عن التجمل والمجاملة وما إلى ذلك كل ده ما هو إلا كذب متغلف بغلاف شكله جميل لما نشيل الغلاف من على العلبة الجميلة هنلاقي الكذب من جوه

    تعددت ألوان التجمل والكذب واحد
    وأعوذ بالله أن أذكركم به وأنساه

    _________

    تقبلي مروري ثانية
    Casper

    ردحذف
  6. انا رأيى هبقى اقولو بينى وبينك يا منون ولو كده انتى عارفه ازاى تكلمينى مستنيكى يا منون

    ردحذف
  7. خواطري مع الحياة....

    روشا يا حبيتى انا جبانه اوى ومش قادره وبعدين انا خايفه احرجها برغم انى زعلانه منها ومش عارفه بقى ربنا يهديها يمكن تكون مكسوفه تقولى

    ردحذف
  8. خواطري مع الحياة....


    ههههههههه انا عاوزه البوسه دى عاملى انا مينفعش معايه جو الكلام ده ههههههه بمووووووت فيكى يا انتمتى اللدوده

    ردحذف
  9. شهر زاد....

    متشكرة اوى لامشاعرك الجميلة

    وكمان انا عرفت رأيك وهحاول

    اخد بيه وربنا يعديها على خير

    ردحذف
  10. Casper....

    على فكرة انت اقرب رأى ليا لحد دلوقت بس انا حولت معاها كتير انا مش قادره ولا اغيها ولا اصلح منها ولا اوجها بالحقيقه وانا شايفه البعد راحه وخصوص ان ولدتى بدأت تزعل منى بسببها وقالتلى لازم تبعدى عنها نهائي لانها بنت مش كويسه وكده هتبوظ سمعتك لان الرسول صلى الله عليه وسلم قال المرء على دين خليله فالينظر احدكم من يخالل

    ردحذف
  11. Casper ......

    عندك حق جدا وعجبتنى جدا كلمتك


    تعددت ألوان التجمل والكذب واحد
    وأعوذ بالله أن أذكركم به وأنساه

    وان شاء الله هعمل بيها

    ردحذف
  12. (¯`·._.·TIGER·._.·'¯) ...

    انا مش هكلمك بس هتلقينى ف خلال كام يوم فوق دماغك ف المكتب عندك زياره مفاجأه يعنى بس تعزمنى على شيكولاته لأغزك هههههههههه^_^

    ردحذف
  13. ازيك يا جميل
    انا رايي انتي اتكلمي معاها بس متوجهيهاش
    يعني كلميها بالمواراة
    او احكيلها قصة تانية عن اي حد الفي قصة يعني يكون فيها الي انتي عيزاه
    بس بلاش توجهيها
    والناس الزي دول بيكون عندهم احساس شديد بالنقص
    ودي بتكون حاجة في طبيعتهم

    ردحذف

قول كل اللى عندك متخبيش رأيك يهمنى ف ياريت متدريش

بجد انتى حلوة أوى يا بلدى

فرحانه مووووووووت انكو نورتونى

Sponge Bob

Click Here For Images &
Sponge Bob Pictures - Pictures