السبت، 5 فبراير 2011

خايفه.........!



أولاً المدونه دى انا عملتها عشان انا محتاجه افضفض من حاجات كتير بشوفها ف حياتى وحيات الناس اللى بحبهم وف بلدى ودينى وفكل حاجه حوليه حاجات كتير بتحصل بتخلينى بجد هطق انا من نوعية الناس اللى لما بتفضفض بترتاح يوم ما احب اتكلم اتكلم مع اعز الناس لقلبي وانتى يا اهل بلوجر من اعز الناس عندى وعالم بلوجر هو المكان الوحيد اللى بتكلم فيه من قلبي وبقول اللى عندى من غير ما اخاف
نفسي بجد اى حاجه اتكلم فيها هنا معاكو تقلولى رأيكو وتسعدونى ف حلها لو كانت مشكله ونصايحكم اكيد هتفدنى كتير وهفرح بيها اوى

ثانيا انا فعلا خايفه خايفه اوى.. حاسه انها النهايه قربت مش عارفه اصدق مين واكدب مين.. مش عارف احنا ع فين رايحين ايه اللى بيحصل ده 
هى دى مصر ام الدنيا...!! يا جماعه انا مش اقل من اى حد وطنيه فيكم  ولا انا جبانه كل ما ف الموضوع انى خايفه بكره ميبقاش احسن من انهارده
خايفه اللى جاي يخلينا نندم ع اللى راح خايفه نقول ياريت... بتخيل لو حصل واسقط النظام والريس مشي انتو تعرفو اللى جاى بعدو ايه ولا هيعمل فينا ايه ما يمكن يعاملنا اوحش طب بص معايه كده بكره لو بقانا من غير حاكم وعملنا انتخابات عشان نرشح رئيس للجمهوريه عارفين كام واحد هيطلع يقول((( انا))) عرفين كام واحد هيضحك علينا بشاعرات ونرجع نقول عاوزين يا ريس يقول منين يا حصره عارفين اللى جاى ده ممكن يعمل فين ايه ممكن يودينا لفين يا ترى هيرفعنا ولا هيضيعنا ياترى مصر بكرة هيبقى شكلها ايه
خايفه نفوق على اطفال متشرده واسر متدمره ورجاله مكسوره وقلبو محروقه ونقول يارتنا... انا مبقتش لقيه كلام تانى اقولو بس ياريت محدش يعتبرنى بحطم  ف الامال ولا بهاجم ولا بقول كلام فارغ كل ما ف الموضوع انى خايفه خايفه من بكره واللى هيجر

يارب يارب تولانا انت برحمتك يارب نعدى بر الامان يارب ما يموت حد تانى يا رب متحرق قلب اى ام تانى يارب


هناك 4 تعليقات:

  1. مدونه جميله يا منه
    وفضفضه اجمل
    كفايه تلاقى حد يسمعك
    لكن عايزه اطمنك قوى ان اللى جاى اكيد افضل باذن الله القى على الرب همك وهو يعولك ولا تخافى من بكره سيبى بكره لرب بكره ربنا يدبر امورنا ويحافظ على مصر وشعب مصر ربنا يحميكم يا شباب التحرير ويحافظ عليكوا

    ردحذف
  2. اقول الصراحة ولا اكذب
    استني افكر
    اقول ايه اقول ايهاستني كده

    خلاص قررت بقول الصراحة
    وزي مايقولوا الصراحة راحة




















    بصراحة المدونة تحــــــــــــــــــــــــــــــفة
    بجد جميلة ورقيقة زي صحبتها واسمها عاجبني
    والاحلى ايه
    كلامك الجميل
    الي بيدل على خوفك على بلدك وعلى اهلها وناسها
    ان شاءالله مابيصير الا الخير
    وربنا بيفرجها عليكم
    صح نسيت اقولك
    الصورة حق البنوتة المتعصبه الي على جمب
    انت زيها ويمكن اكثر
    هههههههههههههههه
    ياقمر
    والله بموت فيكي ياجميل
    امممممممممممممممممممممممممممممموة
    واكبر بوسة لاجمل منونة
    ^_^
    تعرفي احلى شي عملته المدونة دي عشان تريحي على نفسك
    ضغط الدنيا والحياة
    ربنا يوفقك ويسعدك يارب ويبعد عنك كل ضيق
    وينصر اهل مصر ويخلي الشعب لبلادهم
    ويخلي البلاد لشعبها
    سلامي لاجمل واطيب منونة^_^

    ردحذف
  3. ممكن طلب ياقمر
    انزل لعندنا
    ههههههههههههههه
    مش ده
    احذفي تدقيق الكلمات
    صحن سيت اقولك
    سلامتك من الموت ياجميل انت

    ردحذف
  4. ما تقدريش تلوميهم يا منة ، اصل ضرب الاعور على عينه قال عورة عورة ، يعني خايفة يبقى في اطفال مشردة ، طيب ما فيه مئات بل الاف و مش عايزة اقول ملايين الاطفال المشردة في مصر ، انت خايفة يبقى في قلوب محروقة و رجالة مكسورة و اسر متبهدلة ، لا يا منة معقول انت مش شايفة من 30 سنة في الكلام ده كله و بنسب كبيرة جدا ، للاسف الظلم تفشى بشكل مبالغ فيه خلت الناس ضجة و ما عندهاش حاجة تخشرها ، يعني هما مش طايلين حاجة و مش خايفين على حاجة لانهم ما عندهمش حاجة ن حتى القيمةو الاعتبار و المعاملة من اسؤا ما يكون و شوفي السجون و التعذيب و الشرطة و اللي بيعملوها
    و على فكرة ما في احد بيزايد على وطنيته ، و اكيكيد معروف انك وطنية ن مش محتاجة تثبتي ، لكنها بتكون اختلافات في وجهات النظر و على فكرة انا متفهمة مخاوفك و متفهمة كمان غضب الناس و ثورتهم

    تحياتي يا غالية
    موديل

    ردحذف

قول كل اللى عندك متخبيش رأيك يهمنى ف ياريت متدريش

بجد انتى حلوة أوى يا بلدى

فرحانه مووووووووت انكو نورتونى

Sponge Bob

Click Here For Images &
Sponge Bob Pictures - Pictures