الاثنين، 2 مايو 2011

دعوه قليله تنجح ف مواد كتيره



أولاً هتوحشوني مووووووووووت لانى الفترة اللى جايه هغيب عنكم شويتين حبتين
اسبوعين شهرين الله اعلم بقى حسب التسهيل وحسب حالتى النفسيه متستقر 

للاسف الشديد بقولها ومن كل قلب غلطة غلطة عمرى يوم ما قررت انى اقدم ف معهد حاسب ألى عشان يبقى عندى خبرة ودرايه كامله بما يدور داخل هذا الكائن الجميل الوحش اللى اسمه حاسب لاتقع قصدى حاسب ألى (كَمبيووووتر) زى مابيقولو عنه اهئ اهئ اهئ بس انا استاهل لما انا مش قد المزكره بقدم ليه اصل انا مقلتلكوش انى طالبه فاشله في كليه أداب قسم جغرافيا الفرقه2 يعنى مش ناقصه وكفايه اللى انا فيه لازم يعنى احشر نفسي ف حوار معهد الكمبيوتر ده قال يعنى العلم مقطع بعضه المهم المصيبه بقى انى مكنتش عارفه ان الامتحانات يوم السبت ده انا رايحه اشوف بس اخبار المعهد ايه واخد الكتب لقتهم بيقلولى الامتحانات يوم السبت 

يالهووووووووووووى سبت ايه وحد ايه جه بقى وقت المثل اللى بيقول الناس خبتها السبت والحد وانا خبتى ما وردت على حد اهئ اهئ اهئ

وهنا بدأت معانتى مع .....ماما 
.
.
ماما: ...هو انتى يااختى كنت فالحه ف كليتك عشان تروح تقدميلى ف معهد كمان وتدفعينا دم قلبنا ربنا يسمحك يا بنتى 
.
.
.
ونخش على المقطوعه السمفونيه التانيه 
.
.
.
ماما: ...يارب بقى يجى المنحوس اللى هيخدك عشان ارتاح من همك ومن زنك ده يااااااااااااه ده انتى مصيبه 
.
.
.
وتحسسنى انى لقيطه
 .
.
.أنا:....اهئ اهئ اهئ هو انا مش بنتك ولا ايه بجد حرام تحطيم الاعصاب ده فين بقى حنان الام 
.
.
.
ماما: ...يا حبيبتى يابنتي طب متعيطيش يارب ينجحك يا بنتى 
.
.
.
.وتتحول تانى
...
...
.
.
.بس انتى مش بتزكرى يا فاشله والنبى ما انتى نافعه ولا عمرك هتفلحى
.
.
.
.أنا: ....تانى يا ماما ارحمينى بقى اهئ اهئ اهئ وتستمر المأساه كام ساعه كده

وبعدين يجى الفليسوف الكبير اللى سابق عصرهُ وأوانهُ الباشمِهندس أحمد اخويه 

الكبييييييييييييييييير اووووووووووووى 
.
.
.أحمد:....تعالى ياختى وانا هزكرلك يافاشله
.
..
.أنا: حتى انت كمان اهئ اهئ اهئ والله يازمن ما بأدينا  وتخش بقى الموسيقى التصويره لفيلم نحن لا نزرع الشوك  ده هو اللى بيطلع لوحده
.
.
.أحمد:....ركزى يا ختى لو كنتى زكرتى من الاول مكنش ده بقى حالك بكرة نشوف اللى أمه داعيه عليه اللى هيتجوزك ده هيبقى شكله ايه اكيد فاشل زيك
.
.
.
.أنا: لالالالالالالالالا ده كتير اووووووووى ده أوفر هو المنحوس ده كل الناس بتجيب ف سيرته ليه ماتيجى بقى تخدنى من البيت اللى كله عذاب ده طب انا راضيه حتى لو كان رجليه الاتنين شمال أو حتى فتحت منخيره بتلات خرام او بحاجب واحد انا راضيه يا ربى بس امشي من البيت اللى مزلوله فيه ده اهئ اهئ اهئ
.
.
.
.

أجى بقى أذاكر على السرير بحكم البرد وكده يعنى 
.
..
.ماما: هى مزكرة السرير دى مزكره ابقى قابلينى
.
.
.أنا: اقابلك فين ده ف سر طبعا لانها لو سمعتنى هتيجى تعلقنى 
أرد بقى جهراً وعلانيتاً حااااااااااضر يا ماما انا هقوم اهو
.
.

وأروح اقعد على المكتب واغرز دماغى ف الكتاب وأذ بصوتاً جميلاً مرعباً
.
.
.أحمد أخويا: افضلي تانيه رقبتك كده على الكتاب وفتحه بؤك وعماله تتوبى لحد لما تنام فوق الكتاب يا فاشله
.
.
.أنا : يالهووووووووووى ارحمونى بقى كفايه أرحمو أهلى وسبونى ف حالى يعنى أروح ازاكر فين يعنى ينفع هنا
V
V
V
.

.
.بابا بقى يدخل ف الموضوع:... انتى يا بنت احترمى نفسك ووطى صوتك وأتلكمى مع اخوكى الكبير بأحترام لأحسن والله أقطع عنك المصروف أحرمك من الفرجه على التليفيزيون 
.
.

.
.انا:... ف سري طبعا هو انا اصلا بتفرج على التليفزيون قال يعنى هتحرمنى من الجنه هو طبعا يقصد أختى أصله ديما بيتلخبط بنا لدرجة أنى باخد المصروف مرتين ها ها ها ها ضحكات متقطعه شريره
.
.
.

المهم بقى انى بجد موحوله وعاوزه حد يدعيلى حد..... حد ايه

قصدى كلكو تدعولى واللى مش هيدعي هدعى عليه وهقول من كل قلبي

يارب اللى ما يدعيلى مايلاقي حد يدعيلو وأدعو لاختكو ده مزنوقه

ادعو لاختك اختكو مزنوقه اوى اوى اوى



وبجد يا جماعه غصب عنى مش هقدر ابقى متابعه الفتره اللى جايه فأرجوكم محدش
يزعل منى على تقصيرى لان انا هقفل النت الفترة اللى جايه بس هحاول من وقت للتانى أدخل أاطمن عليكم ف السريع
.
.
.
.وفي النهايه جبتلكم شويه صور تضحكم على المزكرة وتهون عليكم بعدى عنكم عارف انى هقطع بيكم ومن غيري بلوجر هيضلم ومش هتعرفو تعيشو من غيرى ^_^














وفي النهايه متنسوش
 

هناك 41 تعليقًا:

  1. منه
    يا
    منه
    بدعيلك من كل همسات قلبى
    سيبك بقى من المذاكره وتعاى نعمل جريده عن المدونين نكتب فيها
    ونشتهر بقى
    انا صحيح قلت عايز اتجوز مدونه
    بس مش محبطه كده قوى زيك
    يالا روحى ذكرى
    بس انا مستغرب
    ازاي لسا فاكره تجيبى الكتب دلوقتى
    اعذرينى الكلام مش مرتب
    تحياتى ليكى

    ردحذف
  2. ايه يامنه والنبي عماله اضحك من ساعة مادخلت هنا ..ايه دا يابنتي مابقيتش مزاكرة دي بقت ازلال مع سبق الاصرار والترصد هههههههههههه بس عارفة موتيني ضحك على حكاية المتنيل على عينه الي حيجوزك مالك شلفطتي وش الراجل كدا لا ماتخفيش دا حيبقى شبه توم كروز <<<< ابقي قابليني لو ماكنش يونس شلبي ولا سعيد صالح هههههههههههههههههههه
    وكمان يابت يااروبه انتي بتسرقي مصروف اختك اخس عليكي تبقى صاحبتي منه بوشين دنا بجد اتصدمت وصدمتي فيكي كبيرة <<<< قال يعني هيا الي عامله مثاليه اوي ههههههههههههههههههههههه
    بصي بقى يامنمونة ياحبيبتي انتي تروحي تزاكري في البلكونة اهوا احسن جو جميل ومنها تبصبصي على ابن الجيران <<<< شايفة صاحبت; بتنصحك ازاي هههههههه
    ااه يامنمن ياحبيبتي والنبي عماله اضحك طول الوقت يلا بقى يابت انا اديتك وش وحضرتك مش بتزاكري اوعي اشوف وشك لحد ماتخلص الامتحانات بس واللهي حتوحشيني جدا وحدعيلك والله
    يارب
    يارب
    يارب
    تنجح منمونة
    بحبك يااطعم منه
    ربنا معاكي
    reemaas

    ردحذف
  3. منا يا قمر
    ربنا يفتح بصيرتك وتعرفى تذاكرى
    ربنا معاكى وبالتوفيق
    دعوه وليه ساعه عصريه ومغربيه وفجريه وصباحيه ووووووووووووو ظهريه

    بالنجاح

    ردحذف
  4. مين بقى بيقوووووول على بنوتى اللى زى القمر فاشله

    ولا يهمك يامنه اجيلك اعوضهم ههههههههه

    انا عارفه ان بنتى ذكيه وشاطرة وهتجح وانشألله هتكون اعظم بنوته

    ما يهمكيش ياقلبى من كلامهم قلوبنا معاك

    هو انت لوحدك يعنى منا كنت بذاكر على السرير اها والله هى المزاكرة تحلى الا تحت الخطى هههههههه

    بدعيلك حبيبتى من كل قلبى

    ربنا يوفقك يارب

    حلوووووة المدونه منه حبيبتى بس هتوحشينى

    ارجعلنا بسرعه ياقمر

    بحبك

    تحياتى

    ردحذف
  5. بكرة تقولى و لا يوم من ايام الكلية
    بكرة تقولى وحشتنى المذاكرة
    بكرة تقولى وحشنى النقار مع اخويا
    بكرة تقولى وحشنى البكيت بتاع ماما
    بكرة تقولى وحشنى اخد مصروف من بابا

    بكرة احسن انشاء الله

    خالص تحياتى

    ردحذف
  6. ربنا ينجحك و ييسرلك مذاكرتك يا رب
    و بالراحة على ماما علشان فعلا في يوم هتتمني شخطة منها

    ردحذف
  7. مساء المذاكرة منه

    هههههه وربنا يسعدكِ وربى دي حرب مش مذاكرة

    سلامتكِ من الفشل وتخصص الجغرافيا حلو انا أستمتعت

    فيه وتخرجت تخصص موارد بشرية وإقليمية بس ماجربتوش مع معهد الحاسب الاّلي

    هيا شوية ضغط وامتحانات ويمشي الحال ويارب يخلي

    أسرتكِ الطيبة ويشوفوكِ ناحجة ومتخرجة قد الدنيا

    مش راح يهون علينا فاق حرفكم بس راح ننتظر تواجدكم

    بعد الامتحانات ماتخلص

    ويارب احلى نجاح واحلى درجات وربنا يكون معاكي

    ولكل مجتهد نصيب وان شاء الله تبشرينا عن أحلى أخبار

    يومكِ سعيد فل وترجعي بالسلامة يامنه

    ردحذف
  8. 3>
    الله يوفقك يارب ويفرحك بالنتايج
    قبل ما تدخلي الاختبار قولي اللهم الهمني الاجابات
    وأقرأي كمان الم نشرح لك صدرك
    حتوحشينا يا منمن

    ردحذف
  9. منه
    سلامتك يامنه من كل سوء
    كل ده بيحصل فى كل بيت وهمه بيدوروا على مصلحتك بس بطريقه خاطئه وكلنا بندعيلك مع تمنياتنا

    ردحذف
  10. ربنا معاكي يا حياتي
    هتوحشينا والله
    احنا الحمد لله لسة طلعين من اكتحانات بس دخلين تاني
    الناس دي مش بترحم
    يلا ربنا يسهلها علينا كلنا

    ردحذف
  11. ربنا يكون فى عونك و عونا كلنا....كلنا فى الهوى سوا حين يطل شهر مايو دون ان نفتح المواد قبل كده اهتف بكره النكد بكره...

    ردحذف
  12. هههههههههههههههههههههههههههههههه

    على فكره انا فرحان فيكى اووووووووى

    عشان بتفكرينى بنفسى

    انا بقالى 7 سنين فى الكليه العظيمه بتاعتى

    لالالالالالالالالالالالالا والله ما اقصد احبطك

    ان شاء الله هتنجحى يا منه

    بس عارفه منظرك المستفز ده لازم يضحك

    بس والله من كل قلبى بقول يارب تنجحى يا منه

    يارب تنجح يا تتح

    مين تتح ده قصدى منه يا منه

    يارب تنجحى يا منه

    ردحذف
  13. god with my sweet heart
    forgive me

    be good and ^_^ happy

    ردحذف
  14. هههههههههههههههههههه
    يعيني يا بنتي

    ربنا يوفقك ويعينك يارب
    انا لسه مأساتي مبدأتش

    هدعيلك كتير اوي اوي
    :)

    ركزي انتي بس

    ردحذف
  15. الله يسلك طريقك ويوفقك

    ردحذف
  16. اولا يا بطتي انتي مش فاشله انتي اكتر انسانه جميله
    وناجحه باذن الله
    تفاؤلوا بالخير تجدوه

    سيبيها علي ربنا يا امورتي
    وهو ان شاء الله هيقف جنبك ويوفقك
    ويديكي كل جميل

    موضوع المذاكره علي السرير دي هوايتي المفضله
    بيني وبينك من غير ماما ما تسمع انا بفضل الحكايه دي بس علشان اروح في النوووووم
    ووقتها هصعب عليها مش هتصحيني ولا ايه؟
    حجه البليد ايه ...........

    متغبيش كتير حبيبي
    مستنياكي هوا
    وخلي بالك من دراستك شويه
    واهي فتره وهتعدي بحلوها ومرها
    ويارب انا وانتي وكل الطلاب ينجحوا

    بحبك
    وهتوحشيني

    ردحذف
  17. حبوبه اخبارك يا جميل
    حبيت اطمن علي موزتي الحلوه
    سلاموز يا عمري

    ردحذف
  18. هههههههههه
    بالتوفيق
    يلا هانت
    فات الكتير مبقاش الا التقيل
    ماتقلقيش يا منه فى الاول وفى الاخر ده حته امتحان هياخد وقته ويعدىىىىىى
    ربنا يوفقك يارب

    ردحذف
  19. شريف صابر....

    متشكره جدا يا شريف على كلامك وبجد

    انا كمان نفسي يكون ف جريده او مجله

    او اى حاجه تلمنا كلنا ونكتب فيها غير

    البيدج اللى على الفيس بوك وبيت المدونين

    ردحذف
  20. ريــــمــــاس....
    ريماس حبيبة قلبى وحشتينى جدا كويس انى قدرت اضحك القمر ويارب ديم اقدر افرحك حتى لو هتضحكى عليا
    دعواتك اتقبلت الحمدلله انا حليت كويس وقدرت اتخلص من جو الاكتأب ميرسي ياعمرى ع مشاعرك الجميله

    ردحذف
  21. mrmr....

    ميرسي يا مرمر ياقمر وربنا سمعه من ساعة العصريه والمغربيه والفجريه ححلااااااااااااات كويس جدا ف الامتحان الحمدلله

    ردحذف
  22. جايدا العزيزي.....

    كلهم والله يا اجمل ام ف الدنيا كانو بيقولو كده

    بس انا رفعت راسك واحبط محاولتهم للنيل منى

    وزكرت ودحيت والحمدلله ف الامتحان حليت وحشانى موت

    اسف الرد متأخر بس على مخلصت الامتحانات وعلى

    مسترديت قوايا..بحبك مووووووووووووت

    ردحذف
  23. ابراهيم رزق...

    ميرسي لاهتمامك يا ابراهيم يارب بكرة ده يجى بسرعه

    ردحذف
  24. model....

    ميرسي لاهتمامك يا قمر

    وحاضر براحه على ماما

    هو انا اقدر ازعل ست

    الحبايب انا بس بدلع

    عليها وبفضفضلكو من

    دلعها هى كمان عليا

    نورتينى ياقمر وعيديها

    ردحذف
  25. د.ريان ....

    متشكرة جدا يا دكتور على الكلام الجميل ده

    والله شجعتنى جدا وتشجيعك كان مثمر واسعدنى

    تحفيذك ليا يا رب يديم الموده والمحبه ف الله

    ردحذف
  26. soma.....

    ميرسي ياقمر وانا قولت زى ما

    قولتلى وربنا مكسفنيش والحمد

    لله حاسه انى النتايج هتبقى كويسه

    اوى ميرسي على المشاعر الرقيقه

    ردحذف
  27. faroukfahmy58....

    متشكرة اوى يا فاروق على

    الاهتمام وندعيلك وقت الزنقه

    ربنا مايجيب زنقه زنقه ابدا

    هههههههههه نورتنى

    ردحذف
  28. كلام من قلبي....

    انتى كمان يا قمر

    وحشتينى مووووت

    ربنا يخليكى ليا

    ويخليى قلبك الطيب

    وربنا معانا جميعا

    ردحذف
  29. د/دودى....

    ههههههههه على رايقك بس

    انا بقى هقول امبارح

    النكد امبارح نورتينى

    يا دكتوره كرريها بقى

    ردحذف
  30. iـــــــــــsــــــــــlــــــــــــaـــــــــm.....

    فرحان فيه خيـــــــــــــــــــــانه

    وميــــــــــــــــــــــــــن تتح ده

    ليلتك زبادى بالموز عموما مسمحاك

    المسامح كريم وانا منه مش كريم

    بس بردو هسمحك عشان كريم يبقى

    ابن خالى ههههههههه

    ردحذف
  31. خواطري مع الحياة....

    ده انجليزى ده يا مورسي

    وحشتينى يابت انت ووحشنى

    لسانك الطويل ^_^

    ردحذف
  32. طالبة مقهورة ..درجة أولى....

    شوفتى يا رضوى حالى كان يصعب

    على الكافر المهم عدت على خير

    وحشانى خفت دمك يا جميل

    ردحذف
  33. كريمة سندي...

    متشكرة جدا يا كريمه

    نورتينى ياقمر

    ردحذف
  34. أم....

    متشكرة جدا على اهتمامك

    ردحذف
  35. ساسو...

    متكشرة يا ساسو يا حبى والله كلامك

    فرح قلبي واسعدنى كتير ربنا ما

    يحرمنى منك ياقمرى ولا من رقة

    كلامك الجميل ده ومزكرة السرير

    محببه عند الكثير عاوزين نعمل

    مظاهره ف التحرير عشان نطالب

    بحقنا فالمزاكره ف السرير من غير

    تقطيم هههههه وحشتينى موت ياقمر

    ردحذف
  36. موجة....

    متشكرة اوى يا موجه

    ياقمر ربنا يخليكى

    ليا مايحرمنى من سؤالك

    الجميل عليا وحشتنى جدا

    ردحذف
  37. انا بجد اول ما قريت الكلام معجبنيش
    بس لما خلاصته علشان اعرف اخرته ايه عجبنى قوى والحدوته كلها طبيعيه ممكن تكون عندنا كلنا بس بنخبيها وقت الخلاف بس بتكون مود حلو بيتحكى بعد كده
    واتمنى انك تكتبى تانى المره الجايه حوار بين حبيبينافترقو بجد نفسى اشوف رد الناس عليه وشكرا ليكى منه...

    نورجان

    ردحذف
  38. ربنا معانا كلنا بجد انا كرهت نفسى خلاص بسبب الامتحانات والمذاكره اللى مش بذاكرها دى

    ردحذف
  39. بجد ربنا معانا كلنا لانى خلاص تعبت من المذاكره اللى لسه مذاكرتهاش دى وامتحاناتى اللى قربت بجد تعبت


    بس تسلمى يا قمر على الكلام الجميل دا :)

    ردحذف
  40. جميلة اوي

    ردحذف

قول كل اللى عندك متخبيش رأيك يهمنى ف ياريت متدريش

بجد انتى حلوة أوى يا بلدى

فرحانه مووووووووت انكو نورتونى

Sponge Bob

Click Here For Images &
Sponge Bob Pictures - Pictures